طلعت معدل عالي ؟ وما تعرف شلون تقدم وحاير شلون تملئ الاستمارة ؟ تابع ويانا الخطوات التاليه :
1- لازم تحدد رغبتك انت شنو بلضبط شتريد ؟ طب لو طب اسنان لو صيدلة (واذا جنت حاير بينهم تكدر اتابع منشورات الكروب بهل خصوص ووضحنا بمنشورات عدة شلون تختار كليتك)
2-تنزل الحدود الدنيا مال السنوات السابقة وخاصة السنة الاخيرة لان الفرق يصير زيادة او نقصان درجة كاملة او اعشار
3-تسويلك مسودة مال استمارة وتخططها على شكل 35 حقل 25 كلية و10 معاهد (وتكدر تسويها 15 كلية و10 معاهد ماكو مشكلة المهم مو اقل من 15 كلية ولا اكثر من 25 كلية )
4-تبدي تخلي بالمسودة اول خيار محافظتك سواء كان طب او اسنان او صيدلة حسب رغبتك بعدها تخلي المحافظة الأقرب الى محافظتك وهكذا للبقية الاقرب فالاقرب
5- اذا كان معدلك على الحافة (يعني 95 او 94 او 96) يفضل التقديم على المحافظات الساخنه لان نسبة قبولك بيها تكون أكبر من البقية والمحافظات الساخنة نقصد بيها (كركوك والانبار والموصل وتكريت علما الهم موقع رديف )
6- الكليات المفتوحة حديثا تقبل معدل اقل من البقية يفضل التقديم عليها
7- الكلية او الجامعة الي ترغبها دائما خليها اول وحده كون نسبة قبولك فيها راح تزداد
هذني نصائح بسيطة تكدرون تسون مسودات عليها وترسلوها النا حتى ننطيكم رأينا بيها ...
وتابعوا منشوراتنا خلال الايام القادمة الي نوضحلكم بصوره أوسع
اي استفسار حاضرين
ليست هناك تعليقات:
إرسال تعليق